Э.Цэрэн: Ц.Элбэгдорж Мүүнд барьцаалагдсан гэж би хардаг

 http://time.mn/content/74171

Түүнийг цагдаагийн байгууллагаас дуудаж мэдүүлэг авах болсон талаар асуухад "БСШУЯ-тай холбоотой асуудлыг би цагдаад өгсөн. Энэ дагуу л очиж мэдүүлэг өгсөн байгаа. Өөр хэн нэгний өргөдлөөр намайг байцаагаагүй. БСШЯ-наас миний дэлгэсэн асуудлаар шуурхай хариу өгсөн нь өндөр ач холбогдол өгч байна гэж харж байна" гэлээ.

Мөн тэрбээр өнөөдөр өөрийн цахим хуудсандаа дараах мэдээллийг оруулсан байна:

Мүүн мүн л гээд байхын яг юу юм бэ? гэсэн асуулт их давтагдаж байна. Өөрсдөө мэдээлэл хайж сур л даа Монголчуудаа.

Сунг Енг Мүүн гэж Солонгосоос гаралтай Библийг гажуудуулж өөрийгөө Ийсус Христийн шинэ дүр хүн төрөлхтөний Жинхэнэ эцэг хэмээн зарлаж өөрийн урсгалаа бий болгосон зальжин наймаачин эр. Тэр олон шашны төлөөлөгчидтэй уулзан нэгтгэх, бидэнд энх тайван хэрэгтэй хэмээн тунхагласан. Тэр бас олон өнчин хүүхэд өргөж авсан. Уран илтгэгч ховсч. Тэр хэмжээлшгүй баян болсон.

Гэхдээ тэрээр гэгээнтэн бурхны дүр эсгэхдээ олон бузар зүйл хийж. Хамгийн гол нь өсвөр залуусын сэтгэцийг хянаж тэднийг боол болгодог, нийгмийн нэгж болох гэр бүл салгадаг татвараас зугатдаг, улс орны тэргүүнүүдийг хахуульдаг гэх мэт.

Цэрэнгийн мэдээлэлийг мэддэг бүх хэлээрээ цахим ертөнцөөр шалга.

Монголын ерөнхийлөгч Элбэгдорж их дотносож гэрт нь зочилж бас хуралд нь үг хэлж бүх талаар дэмжиж. Насанбаяр Гантөмөр суудлаасаа ховхрохгүй шалтгаан энэ л дээ.

Америк Африкаас бусад улс оронд Мүүнтэй нэр холбогдсон хүний улс төрийн карьер дуусдаг бол Монголд бүх зүйл эсрэгээрээ. Элбэгдорж үндсэндээ барьцаалагдсан гэж би хардаг. Монголын парламэнт улс төрийн сөрөг хүчингүй гэдэг нь энэ байдлаар харагддаг.

Дашрамд хэлэхэд намайг улс төрийн зорилгоор бичлээ сонгуультай холбоотой гэж хардах улс намайг шалгаж мөрдөж болно.

Улс орон болгонд Цэрэн шиг нийгмийн идэвхитэй хүмүүс байдаг л байхгүй юу.

Ийм хүмүүсийг шүгэл үлээгч гэх нь ч бий.2016.02.19 гэжээ.

2016 оны 02 сарын 18

19:00 - 2016-03-15 - Сэтгэгдэл бичих